أحاديث نبويه شريفه
السلام عليكم ورحة الله وبركاته
قبل ما استطرد فى الموضوع انا حابب اقول لكل واحد بيدخل المدونه ياريت تساعدنى فى نشر المدونه
وياريت لو عندك اى استفسار او اى تعليق على المدونه قولى
*****************************************************
بسم الله الرحمن الرحيم
كنت بقرأ انهارده فى كتاب اسمه الجامع الفريد للأسئله والأجوبه على كتاب التوحيد
ولقيت حديث لسيدنا رسول الله صلى الله عليه وسلم
لاقريته قبل كده ولا سمعت عنه وبجد الحديث ده شرح صدرى جدااااااا
وده نص الحديث
( عن معاذ بن جبل رضى الله عنه قال كنت رديف النبى صلى الله عليه وسلم على حمار فقال يا معاذ اتدرى ما حق الله على العباد وما حق العباد على الله ؟ . قلت الله ورسوله اعلم . قال : حق الله على العباد ان يعبدوه ولا يشركوا به شيئا وحق العباد على الله الا يعذب من لا يشرك به شيئا . قلت يا رسول الله أفلا أبشر الناس قال : لا تبشرهم فيتكلوا ) متفق عليه.
وتفسيرا للحديث قرأت ان معنى رديف اى الراكب خلف من يركب الدابه وهذا يدل على تواضع رسولنا الكريم
وحق الله على العباد هو حق وجوب وتحتم اى انك يا عبد الله لا بد ان تعبده ولا تشرك به شيئا اما اذا فعلت غير ذلك فأنت قد أخطأت
اما عن حق العباد على الله فهو حق تفضل واحسان.
وقد اخبر معاذ بن جبل بذلك عند وفاته خوفا من الاثم المترتب على كتمان العلم.
وقد امر رسولنا المصطفى صلى الله عليه وسلم معاذ بكتم ذلك العلم خوفا من الاتكال على سعة رحمة الله وترك العمل
بجد ما اجمل هذا الحديث
فلو بشرت يا عبد الله بكل هذا الاحسان من الله
أفلا تكون عبدا شكورا؟!!! وتصلى متى سمعت النداء؟!!! وتشكر الله عز وجل على نعمة الاسلام وكفى بها نعمه
طيب اقرأ معى هذا الحديث القدسى
قال رسول الله صلى الله عليه وسلم "يروي ذلك عن ربه عز وجل أنه يقول: يا ابن آدم أودع من كنزك عندي ولا حرق ولا غرق ولا سرق، أوفيكه أحوج ما تكون إليه.
يعنى انا وانته وانتى لوقت معانا كنز
ياااه ومحدش عارف يستغله ولا يستفيد بيه
طيب انت دلوقت عرفت هتعمل ايه؟؟؟؟؟؟
اظن كل واحد مننا عارف المفروض يعمل ايه
هكتفى بالحديثين دول البوست ده
وان شاء الله على وعد انى اكمل معاكوا البشرى النبويه بدخول جنة الخلود الابديه
والسلام عليكم ورحمة الله وبركاته
9 التعليقات:
ما شاء الله يا علاء
حديثين رائعين جدًا
والله يا جماعة دينا كامل مكمل مش محتاج اي نظام ولا اى حاجه
الدين نظام اصلا اكتر منه اى حاجه تانيه
ديننا دين نظامي من الدرجة الاولى بل و الاوحد !
يا رب نفوق بقه
لا إله إلا الله وحده لا شريك له , له الملك وله الحمد وهوه على كل شىء قدير
حديثين رائعين بجد بحيك على البوست جدا
السلام عليكم..
دية اول زيارة بس انشاء الله هداوم على زيارتك رن شكلها مدونة جمييييله
وتعليقي على الموضوع
لو الواحد قعد مع نفسه شوية وقعد يقرا الاحاديث ويتبصر فيها ويتدبها بعمنى اصح وبعد كده يعمل بيها
اكيييد هنشوف حجات جديده واكيييد الواحد هيتغير
والحديث -حديث معاذ كنت رديف النبي-
من اجمل الاحاديث ومهما سمعت له من شرح بحب اسمع تاني وتالت لانه بيدل ان الله لايظلم احداا
تقبل تحياتي
س ا ر ة
بوست جميل اوووووووووووى
بحييك عليه
ان الله غفور رحيم وان شاء الله
ربنا يهدى المسلمين اجمعين على طاعة الله
سبحانه وتعالى
وفقك الله دائما
السلام عليكم
أحاديث جميلة اوي ربنا يبارك فيك
و يبارك لك في المدونة دي و يجعلها في ميزان حسناتك بإذن الله
تحياتي
السلام عليكم
والله أحاديث مجرد قراءتها تشرح الصدر فعلا بس فيه حاجة عايزة ألومك عليها انت ليه مش حاطط رابط المدونة من ضمن المدونات الخاصة بيك في البروفايل بتاعك كده ممكن تعمل لها انتشار أكتر أنا حطيت الرابط بتاعها عندي في المدونة بتاعتي .. ربنا يوفقك ويجعلها في ميزان حسناتك حقيقي مريحة للنفس قوي
مبروك يا علاء علي المدونة الجميلة دي ...و ربنا يوفقك و يجعله في ميزان حسناتك... و علي فكرة إن شاء الله تعاونك مع دزمحمد شحاتة يكون مثمر ...لأنه أستاذي و أعرفه جيد و أحسبه علي خير... و إن شاء الله يفيدك و يفيدنا ...وأهلا بيك في مدونتي...
السلام عليكم ورحمة الله وبركاته
بجد يا علاء بارك الله فيك أنا كنت مستمتعه بقرائتي للحديثين وأحسست براحه غريبة وبجد أنا زعلانة جدا إني موش تابعت المدونة
بس بجد انا ارتحت أوي وأنا فيها وإن شاء الله هداوم على قرائتها
ربنا يبارك فيك يا لؤا يارب
في رعاية الله
فين جديدك هنا
منتظرة بوست جديد
إرسال تعليق