أحاديث نبويه شريفه
السلام عليكم ورحمة الله وبركاته
كل سنه وانتوا طيبين ورمضان كريم
ويارب نكون من عتقاء رمضان
انا فى البوست ده مش هذكر الاحاديث الرمضانيه ولا الايات لاننا كلنا عارفينها وكلنا عارف يعنى ايه رمضان وفضله ايه
بس الاهم من ده كله اننا ننظم وقتنا واننا نعمل اللى يعتق رقابنا من النار
طيب ايه رأيكوا نشجع بعض
طيب نشجع بعض على ايه ؟!!! وازاى؟!!!
كام واحد فينا بيقرا قرآن فى رمضان
كام واحد فينا بيصلى الفجر حاضر فى رمضان
كام واحد فينا بيحافظ ع الفروض فى رمضان
كام واحد ..... كام واحد .......
طيب ايه رأيكوا نعمل ده سوا؟!!! مش بالمعنى ده بالظبط , انا قصدى اننا نساعد بعض اننا نتفق على مثلا جزء معين هنقراه انهارده مثلا وكذلك تانى يوم, وتالت يوم لغاية ما نوصل لاخر رمضان ونكون عملنا حاجه تتحسب لينا كلنا
انا عندى اقتراح واللى هيوافق عليه يقول فى الكومنت بتاعه علشان نعرف مين هيشارك معانا
واللى عنده اقتراح احسن يقوله وان شاء الله نحاول نوصل لاحسن حاجه
الاقتراح بقا عباره عن
هنتفق كلنا كل يوم اننا نقرا مثلا فى اول يوم الجزء الاول من القران الكريم ( بعيدا عن قراءة اى واحد مننا ده بالنسبه للى بيقرا اكتر من جزء فى اليوم )
وهيبقى فى كل يوم ربع حزب ( اللى ميعرفش الاحزاب كل جزء بيتكون من حزبين وكل حزب اربع ارباع)
وطبعا هنشجع بعض ان كل واحد يدخل يقول هو انجز ايه انهارده( من قيام صلاة تراويح وتهجد وقراءة قرآن و... و....) على سبيل التشجيع طبعا علشان محدش يقول اننا بنتباهى باللى بنعمله
اللى عنده اقتراح تانى يقول عليه
واللى عجبه الاقتراح وناوى يشترك معانا ينوى ويعرفنى فى الكومنت بتاعه
وربنا يتقبل مننا جميعا
13 التعليقات:
رمضان كريم
تقبل الله من الجميع
ان شاء الله هشترك
معاكوا إن شاء الله . بس ياريت نزود عن جزء ممكن يبقوا جزئين علشان نلحق نختم مرتين غير التراويح , بس إن شاء الله يعنى انا معاكوا
السلام عليكم ورحمة الله وبركاته
معاك يا لؤا إن شاء الله
ورمضان كريم
فين فانوسي بقى ههههههههه
في رعاية الله
باذن الله معاكم وربنا يتقبل منا ومنكم صالح الاعمال
ورمضان كريم
طبعا جميل جدا هو يكون كفايه جزء لان كل واحد لوحده اكيد هيختمه غير الراويح يعني المهم ربنا يتقبل كمان في حجات تانيه غير كده
انا من رأي ان كل واحد كمان يعمل في كل يوم خير ازاي انه صدقه او يقسم فلوس علي 30يوم بحيث ان كل يوم يدفع ولو نصف حنيه وهو خارج من الترويح علشان ان شاء الله الدعاء يستجاب كمان جدول لنفسه غلط في ايه اتنرفز ولا اتعصب ونحسن من معاملاتنا واخر اليوم نكتب اللي عملناه في اليوم ونحسنه لحد ما نطلع من رمضان متعلمين الادب يعني حاجه ذي كده غير ان نكتر من الاعمال الخيريه نزور دار ايتام نساعد الناس نبقي مع بعض كلنا وربنا يتقبل غير البنات مساعده الام في البيت وتبقي لوجه الله تعالي نعمل اللي علينا كل حاجه فيها حسنات
وشكرا واسفه علي الرغي
اصلي اموت في الرغي جدا زي عنيه
مشا الله عليكم..بجد جزاكم الله خير..انا معاكم بس كل يوم جزء دى ما اوعدك..انا ظروفى تختلف ورغم انى هحاول ان شا الله وليكم الثواب انا كنت اختمة الصراحة مرة فى رمضان بس هحاول انى اختمة اكثر من مرة فى رمضان هذا..اللهم بلغنا رمضان...
قولوووووو..آميــــــــــــــن
ربنا يكرمك هى فكرة جميلة اننا نشجع بعض بس اسمحلى انا معترضة عليها
لانى مثلا فى رمضان من ضمن ترتيباتى انى مادخلش على النت ولا الكمبيوتر عشان استفيد من الوقت
لان ببساطة اللى هيدخل على اى حاجة مش هيكتفى بيها ده هيفضل مستمر كده وومكن كمان مايصليش الفروض فى اول الوقت
دى وجهة نظرى مع احترامى لفكرتك
ملحوظة:كلمة "تحياتى"من اشهر الكلمات الدارجة فى نهاية التعليقات ولكنها مكروهة شرعا لان التحيات لله
تقبل الله منا ومنكم صالح الاعمال
وكل سنة وانت طيب
كل سنة وانتم كلكم طيبين
ان شاء الله معاكم ولو قدرت اعمل اكتر هعمل
انا من رايى نمشى جزء قراءة وجزء فى التراويح
تحياتى
ايمى
متشكر ليكوا جميعا وان شاء الله اقتراحاتكم فى البوست الجاى
السلام عليكم ورحمة الله وبركاته
عجبنى اقتراح حضرتك بس عندى اقتراح تانى ممكن اقوله
طيب ماشى
هو اننا نحسن الظن بينا جميعا ونعتقد ان جميع الاخوه والاخوات المدونين اكثر منى فى قراءة القران والقيام والذكر وغيره من انواع العبادات وهذا يبعد عننا جميعا شبهة الرياء سخلص لنا وقتنا للعباده
وبعد رمضان ان شاء الله نلتقى وقد انجزنا الكثير
دومت بخير
وكل عام وانت الى الله اقرب وفى طاعته ادوم
ورمضان كريم عليك وعلينا
والسلام عليكم رحمة الله وبركاته
السلام عليكم
اقتراحك جميل قوي بس للأسف مش هقدر اشترك معاكم لأني ناوية اخد اجازة من النت في رمضان عشان زي ما انت عارف الوقت ضيق قوي والمشكلة عندي كمان ان ظروف شغلي في رمضان هتضيق الوقت اكتر واكتر بس انا بقترح اننا نستمر في عمل ده بعد رمضان ونشجع بعض عليه بحيث ميكونش رمضان بس هوه اللي فيه الاجتهاد بالعبادة وكل سنة وانت طيب وجزاك الله ألف خير
ايوه انا نفسي نطلع من رمضان بحاحه حاجه ايه حجاااااااات ونشجع بعض ونستمر ونعمل جدول ان شاء الله وربنا يتقبل ولما نشوف بعض بعد رمضان تنفق علي جدول للاعمال اليوميه خاصا هنبقي طلعين من شهر ومتحمسين ونفضل علي كده ان شاء الله
وربنا يتقبل
كل سنه وانت طيب
وجزاك الله كل خير عالمدونه الجميله دي
استمر
:)
إرسال تعليق